Tələbə Qəbulu üzrə Dövlət Komissiyası abituriyentlərin ali məktəblərin boş qalan yerlərinə və texnikumlara yerləşdirilməsinin nəticələrini elan edib. TQDK-dan Trend ə verilən məlumata görə, nəticələr "Abituriyent" jurnalının növbəti saylarında dərc olunub və TQDK-nın internet saytında yerləşdirilib.
Ali məktəblərin bütün şöbələrinə (əyani, axşam, qiyabi), o cümlədən texnikumlara qəbul olan abituriyentlər 10 gün ərzində sənədlərini müvafiq təhsil müəssisəsinə təqdim etməli və qeydiyyatdan keçməlidir. Vaxtında qeydiyyatdan keçməyən abituriyentlərin qəbul haqqında əmri ali məktəblərə göndərilməyəcək.