Cari həftədən başlayaraq AFFA bu yaxınlarda inşası başa çatmış yeni qərargah mənzilinə köçməyə başlayır.
Təşkilatın baş katibi Fuad Əsədovun Trend ə verdiyi məlumata görə, artıq texniki avadanlıq yeni ofisə daşınmağa başlayıb və yaxın günlər ərzində Assosiasiyanın nümayəndələri tam surətdə yeni binaya yerləşəcək. "Biz noyabrın sonunda köçməyi planlaşdırmışıq və hər şey plan üzrə gedir. Tezliklə biz yeni və gözəl binaya köçməyimizi qeyd edəcəyik", - deyə F.Əsədov qeyd edib.
O bildirib ki, təmir işləri başa çatdıqdan sonra ofisin infrastrukturunun qaydaya salınması, telefon xəttinin çəkilməsi, və mənzil qərargahının tam fəaliyyət göstərməsi üçün digər vacib işlərin görülməsinə müəyyən vaxt lazım olub.