Söz və mətbuat azadlığının müdafiəçi üzrə Koordinasiya Şurası uzun fasilədən sonra sabah - dekabrın 28-də toplanacaq. Bu barədə Trend ə Koordinasiya Şurasında təmsil olunan Azərbaycan Demokrat Partiyası (ADP) sədrinin birinci müavini Sərdar Cəlaloğlu məlumat verib.
Onun sözlərinə görə, toplantıda "Azadlıq" qəzetinin əməkdaşı Nicat Dağların və "Millət" qəzetinin baş redaktoru Əli Orucovun döyülməsi ilə bağlı müzakirələr aparılacaq. ADP-nin qərargahında keçiriləcək toplantıda jurnalistlərə qarşı zorakılıq hallarının davam etməsi, hökumətin bu hadisələrlə bağlı bəyanatı müzakirə olunacaq, belə hallara birdəfəlik son qoyuması üçün yollar axtarılacaq. Ola bilər ki, müvafiq dövət orqanlarına müraciətlər də edilsin"-deyə S.Cəlaloğlu qeyd edib.
Qeyd edək ki, Söz və mətbuat azadlığının müdafiəçi üzrə Koordinasiya Şurasında bütün müxalifət partiyaları, jurnailst təşkilatarı, hüquq müdafiəçiləri birləşirlər.
