Azərbaycan, Bakı, 18 iyul /Trend/
FIFA İcraiyyə Komitəsi oktyabr ayında 2022-ci ildə Qətərdə təşkil olunacaq futbol üzrə dünya çempionatının (DÇ) qış fəslinə keçirilməsi imkanını müzakirə edəcək. Bu barədə Trend "Guardian" qəzetinə istinadən məlumat verir.
İcraiyyə Komitəsinin xüsusi iclası oktyabrın 3-ü və ya 4-də keçiriləcək.
Xatırladaq ki, daha əvvəl belə bir təkliflə FIFA-nın prezidenti çıxış etmişdi. O bildirib: "Biz stadionları soyuda bilərik, lakin bütün ölkəni soyuda bilmərik".