Paris. Trend:
Azərbaycanın sərbəst güləşçisi Hacı Əliyev Fransanın paytaxtı Parisdə təşkil olunan Yay Olimpiya Oyunlarında ikinci görüşünü keçirib.
Trend xəbər verir ki, 65 kq çəki dərəcəsində yarışan, üçqat dünya və dördqat Avropa çempionu olan Əliyev 1/4 finalda Macarıstan təmsilçisi İsmail Muszukayevlə mübarizə aparıb.
Görüşdə Əliyev rəqibinə 3:10 hesabı ilə məğlub olub. Buna baxmayaraq Hacı medal şansını saxlayıb. Belə ki, Muszukayev finala vəsiqə qazanacağı təqdirdə idmançımız bürünc uğrunda yarışmaq şansı əldə edəcək.
Qeyd edək ki, Paris-2024 avqustun 11-də başa çatacaq.
xxx
14:28
Fransanın paytaxtı Parisdə təşkil olunan Yay Olimpiya Oyunlarında Hacı Əliyev ilk görüşünə çıxıb .
Trend xəbər verir ki, 65 kq çəki dərəcəsində çıxış edən idmançımız Hacı Əliyev meksikalı Ostin Qomeslə qarşılaşıb.
Görüş Hacının 7:0 hesablı qələbəsi ilə yekunlaşıb.
