Bakı. Trend:
Ronaldinyo ABŞ-nin "Qrinvil Triumf" futbol klubunun səhmdarı olub.
Trend-in verdiyi xəbərə görə, Cənubi Karolina ştatından olan bu komanda 2018-ci ildə təsis edilib və hazırda ABŞ üçüncü liqasında çıxış edir.
44 yaşlı Ronaldinyo oktyabrın 9-da Nyu-York Birjasında müqavilə imzalayaraq "Qrinvil Triumf" klubunun səhmdarı kimi təqdim edilib.
2018-ci ildə futbolu buraxan Ronaldinyo karyerası ərzində "Qremio", "Flamenqo", "Atletiko Mineyro", "Fluminense", "PSJ", "Barselona", "Milan" və "Keretaro" kimi məşhur klublarda çıxış edib.