Bakı. Trend:
Misli Premyer Liqasının XXVIII turunda üç heç-heçə qeydə alınıb. “Sumqayıt” – “Sabah” (3:3), “Neftçi” – “Araz-Naxçıvan” və “Kəpəz” – “Səbail” (hər ikisi 1:1) matçlarında qalib müəyyənləşməyib. Mövsümdə 3-cü dəfə belə hadisə yaşanıb. XIII və XXVII turlarda da 5 görüşdən üçündə heç-heçə qeydə alınıb.
Trend xəbər verir ki, bu barədə Peşəkar Futbol Liqası məlumat yayıb.
Qeyd edilib ki, ötən turda da eyni göstəriciyə təsadüf olunub. Bu isə o deməkdir ki, ardıcıl 2 turda 3 sülh gerçəkləşib.
Azərbaycan çempionatları tarixində sonuncu belə hadisə 2017/18 mövsümündə yaşanıb. 7 il əvvəl hətta 2 deyil, ardıcıl 3 turun hərəsində 3 heç-heçə qeydə alınıb. Bu, XX-XXII turlara təsadüf edib. Həmin vaxt hər turda indiki kimi 5 deyil, 4 oyun baş tutub. Son 7 mövsümdə isə ilk dəfə belə heç-heçələrlə zəngin turların ardıcıllığına qeydə alınıb.