Bakı. Trend:
Cüdo üzrə Azərbaycan millisinin Serbiyada keçiləcək Gimnaziada İdman Oyunları üçün heyəti açıqlanıb.
Azərbaycan Cüdo Federasiyasından Trend-ə verilən məlumata görə, yarışda ölkəmizi 18 çəki dərəcəsində 18 cüdoçu (9 oğlan, 9 qız) təmsil edəcək.
Gimnaziadada oğlanlar arasında Fuad Rəhimli (38 kiloqram), Fərid Rzazadə (42 kiloqram), Aqil Nağıyev (46 kiloqram), Rəhim Əliyev (50 kiloqram), Nuru Sadıqzadə (55 kiloqram), Aqşin Bayramov (60 kiloqram), Davud Bayramov (66 kiloqram), Mehdi Məhəmmədəli (73 kiloqram), Camal Bünyatov (+73 kiloqram), qızlar arasında isə Fatimeyizəhra Məmmədzadə (36 kiloqram), Nərgiz Məmmədova (40 kiloqram), Yağmur Abdullayeva (44 kiloqram), Şövkət Kərimova (48 kiloqram), Sunay Məcidova (52 kiloqram), Məleykə Əsədova (57 kiloqram), Türkan Məmmədli (63 kiloqram), Rəhimə İsmiəliyeva (70 kiloqram), Xədicə Quluzadə (+70 kiloqram) qüvvəsini sınayacaq.
Oyunlarda Azərbaycan Cüdo Federasiyasının "B" kateqoriyalı beynəlxalq dərəcəli hakimi Bəhriyyə Hüseynova ədalət təmsilçiləri arasında yer alacaq.
Qeyd edək ki, Gimnaziadada cüdo yarışları aprelin 11-12-də keçiriləcək.