Bakı. Trend:
ABŞ-də "TikTok" sosial şəbəkəsinə aktivlərin ayrılması ilə bağlı razılaşma dayandırılıb.
Trend-in məlumatına görə, bu barədə "Reuters" agentliyi mənbələrə istinadən bildirib.
Məlumata əsasən, bu, Çinin ABŞ prezidenti Donald Trampın tətbiq etdiyi cavab tarifləri ilə bağlı razılaşmanı rədd edəcəyini bildirdikdən sonra baş verib.
Qeyd olunub ki, müqavilə daha əvvəl “TikTok”un sahibi olan Çinin “ByteDance” internet holdinqi və ABŞ hökuməti tərəfindən təsdiqlənib.
Mənbələr bildiriblər ki, razılaşma "TikTok" əməliyyatlarının ABŞ-də yerləşən və əsasən amerikalı investorlara məxsus olan yeni bir şirkətə köçürülməsini nəzərdə tutub.
Həmçinin bildirilib ki, müqavilə uğurla imzalansa, ByteDance-in TikTok aktivlərindəki payı 20%-dən az olacaq.