...

"Equinor" 2024-cü ildə Azərbaycan üzrə investisiya həcmini açıqlayıb

Energetika Materials 5 Aprel 2025 03:50 (UTC +04:00)
"Equinor" 2024-cü ildə Azərbaycan üzrə investisiya həcmini açıqlayıb
Ləman Zeynalova
Ləman Zeynalova
Bütün xəbərlər

Bakı. Trend:

Norveçin "Equinor" şirkəti 2024-cü ildə Azərbaycana 91 milyon dollar sərmayə qoyubsa, 2023-cü ildə bu rəqəm 120 milyon dollar olub.

Bu barədə Trend şirkətin məlumatlarına istinadən xəbər verir.

Beləliklə, investisiyaların həcmi illik müqayisədə 24 faizdən çox azalıb.

Şirkətin Azərbaycandakı gəliri 2023-cü ildəki 351 milyon dollardan 2024-cü ildə 188 milyon dollara qədər azalıb ki, bu da 46,4 faiz azalma deməkdir.

Xatırladaq ki, 2023-cü il dekabrın sonunda Azərbaycan Dövlət Neft Şirkəti (SOCAR) “Equinor”un “Azəri-Çıraq-Günəşli” və “Qarabağ” layihələrində, həmçinin Bakı-Tbilisi-Ceyhan (BTC) neft kəmərindəki payını alıb.

Razılaşma 2024-cü ilin noyabrında tamamlandı.

Razılaşmadan əvvəl "Equinor" AÇG neft yataqlarında 7,27 faiz, BTC boru kəmərində 8,71 faiz və "Qarabağ" yatağında 50 faiz paya sahib olub. Bundan əvvəl SOCAR AÇG-də 25 faiz, BTC-də 25 faiz, "Qarabağ" yatağında isə 50 faiz paya sahib olub.

X: @Lyaman_Zeyn

Xəbər lenti

Xəbər lenti