Bakı. Trend:
Yəmənin "Ənsar Allah" üsyançı hərəkatının husiləri Təl-Əviv yaxınlığında "İsrail hərbi hədəfinə" pilotsuz uçuş aparatı ilə zərbə endiriblər.
Trend-in məlumatına görə, bu barədə husilərin silahlı qüvvələrinin nümayəndəsi Yahya Səriya deyib.
"Yəmən Silahlı Qüvvələri Yaffoda (Təl-Əviv) pilotsuz uçuş aparatından istifadə etməklə İsrailin hərbi hədəfini məhv etmək üçün əməliyyat keçirib", - deyə o bildirib.
Bundan əvvəl İsrail ordusu ölkənin hava məkanına şərqdən yaxınlaşan pilotsuz uçan aparatın qarşısını aldığını bildirmişdi.