Bakı. Trend:
Donald Tramp Administrasiyası səhvən ukraynalı qaçqınlara Birləşmiş Ştatlar ərazisini dərhal tərk etmələrini tələb edən məktub göndərib.
Trend xəbər verir ki, bu haqda “The Washington Post” (WP) yazır.
“Sizin Birləşmiş Ştatları tərk etməyinizin vaxtı çatıb. Federal hökumət sizi axtarıb-tapacaq”, - deyə məktubda qeyd olunur.
Qəzetin yazdığına görə, humanitar əsaslarda ABŞ-də sığınacaq almış ukraynalılara onların qaçqın statusunun müddətinin yeddi gündən sonra bitdiyi və ölkə hüdudlarını tərk etməli olduqları bildirilib.
WP neçə nəfərin belə məktub aldığını açıqlamır.
ABŞ Daxili Təhlükəsizlik Nazirliyinin mətbuat katibi Trişa Maklafin bu kütləvi məktubun texniki xəta nəticəsində Ukraynalılara yollandığını təsdiqləyib. O, humanitar əsaslarda Ukrayna vətəndaşlarına sığınacağın verilməsi ilə bağlı proqramın fəaliyyətini davam etdirdiyini söyləyib.