Bakı. Trend:
ABŞ hökumətinin 200-dən çox ölkədən idxal olunan məhsullara gömrük rüsumu tətbiq etməsindən sonra Vyetnam, Hindistan və İsraildən olan nümayəndələr Ağ Ev rəhbəri Donald Trampla danışıqlara başlayıb.
Trend-in CNN-ə istinadən verdiyi xəbərə görə, onlar gömrük rüsumlarının azaldılmasını nəzərdə tutan yeni ticarət sazişlərinin bağlanmasını istəyirrlər.
Trampın sərt gömrük siyasətinə əsasən, Vyetnamdan idxal olunan mallara 46%, Hindistandan 26%, İsraildən isə 17% rüsum tətbiq olunur.
Məlumata görə, İsrail baş naziri Binyamin Netanyahu “gömrük rüsumlarının ləğvi ilə bağlı razılaşmanın əldə olunması məqsədilə” aprelin 7-də Ağ Evdə ABŞ prezidenti Donald Trampla görüşməyi planlaşdırır.