Bakı. Trend:
"Atletiko"nun futbolçusu Conni Kardozo əməliyyat olunub.
Trend xəbər verir ki, bu barədə Madrid klubunun rəsmi saytı məlumat yayıb.
Amerikalı yarımmüdafiəçi komandanın məşqi zamanı topuğundan zədə alıb. 24 yaşlı futbolçunun əməliyyatı uğurlu keçib. ABŞ millisinin üzvü iyunda başlayacaq dünya çempionatında iştirak etməyəcək.
Qeyd edək ki, Conni Kardozo cari mövsümdə "Atletiko"nun heyətində meydana çıxdığı 30 rəsmi matçda 1 qol vurub.
