Bakı. Trend:
Futbol üzrə Azərbaycan Premyer Liqasında I tura yekun vurulub.
Turun son oyununda "Qarabağ" komandası "Şamaxı"nı qəbul edib.
Tofiq Bəhramov adına Respublika Stadionunda keçirilən görüş Ağdam klubunun 3:1 hesablı qələbəsi ilə yekunlaşıb.
Hesabı ev sahiblərinin heyətində 28-ci dəqiqədə Renaldo Sefas açıb. Edqar Adilxanov 43-cü dəqiqədə bərabərlik qoluna imza atıb. 59-cu dəqiqədə qonaqların heyətində Rikardo Apolinario avtoqol müəllifi olub. Matçda son nöqtəni 85-ci dəqiqədə Aleksey Kaşuk qoyub.
"Şamaxı" komandası növbəti II turda "Turan Tovuz"un qonağı olacaq. Qarşılaşma avqustun 23-də Tovuz şəhər stadionunda baş tutacaq. II turun "Qarabağ"-"Kəpəz" matçı isə təxirə salınıb.
