Bakı. Elmira Tariverdiyeva - Trend:
Azərbaycanda daxili reyslər, eləcə də Azərbaycandan digər ölkələrə reyslər üzrə qiymətlər dünyada ən aşağı qiymətlərdən biridir.
Trend-in məlumatına görə, bu barədə "Daily Mail" Kiwi.com turizm servisinə istinadən məlumat verir.
Ekspertlər dünyanın 75 dövlətinin reytinqini hazırlayaraq onları daxili və beynəlxalq reyslərdə 100 kilometr uçuşa görə orta hesabla qiymət göstəricisi üzrə müqayisə ediblər.
Azərbaycan adi tariflə 100 kilometrə görə 6,25 dollar və aşağı büdcəli reys üzrə 3,2 dollarla siyahıda 8-ci olub.