...

"Norm Sement" zavodunun məhsulları Avropanın ən yüksək ekolojı standartlarına cavab verir

İqtisadiyyat Materials 16 İyun 2017 11:11 (UTC +04:00)
"Norm Sement" zavodunun məhsulları Avropanın ən yüksək ekolojı standartlarına cavab verir.
"Norm Sement" zavodunun məhsulları Avropanın ən yüksək ekolojı standartlarına cavab verir

Trend-i buradan izləyin

Bakı. Trend:

"Norm Sement" zavodunun məhsulları Avropanın ən yüksək ekolojı standarlarına cavab verir.

İstehsal gücü gündə 5 min ton klinker, ildə isə 2 milyon ton sement təşkil edən "Norm Sement" zavodu Cənubi Qafqazın ən böyük sement zavodudur.

Zavod Bakının Qaradağ rayonunda, Səngəçal Neft Terminalından 2,6 km şimalda, 160 ha ərazidə yerləşir. Müəssisə Almaniya, Fransa, Hollandiya və İsveçrənin aparıcı istehsalçılarının avadanlıqları ilə təchiz olunmuş və demək olar ki, tamamilə avtomatlaşdırılmışdır. Zavodda tətbiq edilən müasir “quru üsul” texnologiyası istismarın səmərəliliyinə, enerjiyə qənaətə, nəhayət məhsulun yüksək keyfiyyətinə və Avropanın ən sərt ekoloji standartlarının təmin olunmasına zəmanət verir.

Müəssisədə əsas istehsal nöqtələrində quraşdırılan kameralar vasitəsilə bütün proses mərkəzdən nəzarət olunur. İstehsal xətti boyu xüsusi avadanlığın tətbiqi və işıqlandırıcı cihazların örtüklə təmin edilməsi səs və işıq kimi təsirlərin qarşısının alınmasını təmin edir. Texnoloji avadanlığın soyudulması üçün istifadə edilən texniki su zavodda quraşdırılmış qurğularda təmizlənərək təkrar istifadə olunur ki, bu da suya qənaəti təmin edir.

"Norm Sement" zavodunda ən yüksək standartların tələblərinə cavab verən sement və beton laboratoriyaları yaradılmış və müasir avadanlıqlarla təchiz edilmişdir. Burada PANalytical (Niderland), SIEBTECHNIK (Almaniya), Mettler Toledo (İsveçrə), Toni Technik (Almaniya), RatioTEC (Almaniya), Memmert (Almaniya), Elba-Werk (Almaniya), Micromeritics (ABŞ), Retsch (Almaniya) və s. kimi tanınmış şirkətlərin istehsal etdiyi cihazlar, xırdalama-üyütmə qurğuları, mikserlər, piknometrlər, çat mikroskopları, elektrik vibratorları, isitmə və qurutma sobaları quraşdırılmışdır.

Zavodda hal-hazırda dörd çeşiddə – CEM II/A-P 32,5R, CEM II/B-L 32.5R və CEM II/A-P 42,5 R, CEM II/A-P 42,5 N (SDPS 500 Ə-20) – sement istehsal olunur. Bu sement növləri müvafiq olaraq KLASS A, KLASS B, KLASS C500 və KLASS S adı ilə satışa çıxarılır.

Məhsullara Almaniyanın VDZ Elmi-Tədqiqat İnstitutu tərəfindən DIN EN 197-1:2011 standartına müvafiq olaraq uyğunluq sertifikatları təqdim olunmuşdur.

Norveçin DNV GL Group şirkəti tərəfindən zavoda keyfiyyətə nəzarət, ətraf mühitin mühafizəsi və əməyin təhlükəsizliyi üzrə ISO 9001, ISO 14001 və OHSAS 18001 sertifikatları təqdim edilmişdir.

Məqalədə:
Xəbər lenti

Xəbər lenti