Bakı. İlkin Şəfiyev - Trend:
Azərbaycanda dövlət qiymətli kağızların buraxılışının genişləndirilməsi üçün imkanlar var.
Trend-in məlumatına görə, bunu bu gün keçirilən “Azərbaycan Rəqabətlilik Forumu 2018” adlı tədbirdə Azərbaycan Mərkəzi Bankının sədri Elman Rüstəmov deyib.
O bildirib ki, bunun üçün səmərəli maliyyə bazarının formalaşdırılması vacibdir:
“Dövlət qiymətli kağızlarının buraxılış həcminin genişləndirilməsi də vacibdir. Bunun üçün bu gün Azərbaycanda imkanlar var. Onu qeyd edim ki, beynəlxalq kredit təşkilatları manatla qiymətli kağızların buraxılışı təşəbbüsünü müsbət qiymətləndirir”.
E.Rüstəmov həmçinin maliyyə sabitliyinin qorunması baxımından bank sektorunda restrukturizasiya üzrə bir sıra tədbirlərin vacibliyini də vurğulayıb.