Bakı. Trend:
İyulun 4-5-də Nur-Sultanda Azərbaycan-Qazaxıstan hökumətlərarası komissiyanın iclası keçiriləcək.
Trend-in məlumatına görə, bunu Qazaxıstanın Azərbaycandakı səfiri Serjan Abdıkarimov Bakıda Qazaxıstanın ticari-iqtisadi missiyası çərçivəsində biznes forum zamanı deyib.
Onun sözlərinə görə, hazırda 2026-cı ilədək əməkdaşlığın inkişafı üzrə kompleks proqram hazırlanır.
"İclasda ölkələr arasında müxtəlif sahələrdə əməkdaşlıq məsələlərinin nəzərdən keçirilməsi planlaşdırılır", - səfir deyib.
O vurğulayıb ki, Qazaxıstan tərəfi birgə işgüzar şuranın öz hissəsini artıq formalaşdırıb.
"Bu platforma ölkələrimizin biznes dairələrinin dialoquna, ticari-iqtisadi və investisiya əməkdaşlığının möhkəmlənməsinə xidmət edəcək", - deyə o bildirib.
(Tərcümə: Orxan Nəbiyev)