...

Bu ilin 6 ayında Energetika Nazirliyi tərəfindən 66 icazə verilib

İqtisadiyyat Materials 9 İyul 2022 10:45 (UTC +04:00)
Bu ilin 6 ayında Energetika Nazirliyi tərəfindən 66 icazə verilib

Bakı. Trend:

2022-ci ilin 2-ci rübü ərzində Energetika Nazirliyi tərəfindən “İxrac nəzarətinə düşən mallar (işlər, xidmətlər, əqli fəaliyyətin nəticələri) üzrə xüsusi icazənin verilməsi” Qaydalarına uyğun olaraq, ixrac nəzarətinə düşən malların idxalı, ixracı və tranziti üzrə 37 icazə verilib. Bunlardan 34-ü ixrac nəzarətinə düşən malların idxalı, 1-i ixracı, 2-si isə tranziti ilə bağlı olub.

Nazirlikdən Trend-ə verilən məlumata görə, ümumilikdə cari ilin 6 ayı ərzində Energetika Nazirliyi tərəfindən 66 icazə verilib ki, bunlardan 58-ni ixrac nəzarətinə düşən malların idxalı, 2-ni ixracı, 6-nı isə tranziti ilə bağlı icazələr təşkil edib.

Bu dövrdə bütün icazələrin verilməsi 5 saylı Bakı "ASAN xidmət" mərkəzi vasitəsilə həyata keçirilib.

Xatırladaq ki, Energetika Nazirliyi tərəfindən 3 növ icazənin verilməsi “ASAN xidmət” mərkəzi vasitəsilə həyata keçirilir. Bura ixrac nəzarətinə düşən malların ixracı, təkrar ixracı, idxalı, təkrar idxalı və tranziti üçün icazə, mülki dövriyyənin müəyyən iştirakçılarına mənsub ola bilən və dövriyyədə olmasına icazə əsasında yol verilən əşyaların dövriyyəsinə icazə, habelə ixrac məqsədli neft-qaz fəaliyyətinə xüsusi iqtisadi rejimin tətbiqi haqqında şəhadətnamənin verilməsi daxildir.

Məqalədə:
Xəbər lenti

Xəbər lenti