Bakı. Trend:
Azərbaycanda “yaşıl” iqtisadiyyata keçid üçün insan potensialının formalaşdırılması lazımdır.
Trend-in məlumatına görə, bunu BMT-nin Azərbaycandakı rezident əlaqələndiricisi ofisinin iqtisadçısı Xurşid Rüstəmov Dünya Bankının "Azərbaycan: yaşıl inkişaf yolunda" hesabatının təqdimatı zamanı deyib.
O qeyd edib ki, Dünya Bankının hesabatında “yaşıl” iqtisadiyyata keçid üçün insan kapitalının, innovativ texnologiyalardan istifadənin vacibliyi vurğulanır.
Onun sözlərinə görə, burada “mavi” iqtisadiyyata vurğu da həlledici olacaq.
E.Rüstəmov vurğulayıb ki, BMT Dünya Bankı və digər tərəfdaşlarla birlikdə Azərbaycana “yaşıl” iqtisadiyyata keçiddə köməklik göstərəcək.