Bakı. Trend:
Ötən il vergi borclarında 421 milyon manat artım baş verib.
Trend xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2023-cü il dövlət büdcəsinin icrası haqqında” qanun layihəsinin müzakirəsi zamanı İqtisadiyyat Nazirliyi yanında Dövlət Vergi Xidmətinin rəis müavini İlkin Vəliyev deyib.
O qeyd edib ki, 2023-cü ildə hesablanan vergi 16 milyarddan bir az çox olub. “Yəni burda 16 milyard manat hesabladığımız vergidir, 421 milyon manat isə qalıq borcdur. Qalıq borc 3%-dən də azdır”, - deyə o əlavə edib.