Astana: Trend:
Orta dəhlizinin Transxəzər marşrutunun əsas zənciri olacaq Transqazaxıstan Dəmiryolu dəhlizinin inkişafını sürətləndirmək lazımdır.
Trend xəbər verir ki, bunu geniştərkibli hökumət iclasında etdiyi çıxışda Qazaxıstanın prezidenti Kasım-Jomart Tokayev bildirib.
“Nəqliyyat-logistika infrasturkturunun digər, son vacib sahəsinə gəlincə, Tranzit – yüklərin daşınması uğrunda gedən beynəlxalq rəqabətdə bizim nəhəng üstünlüyümüzdür. Bu üstünlükdən tam və effektiv şəkildə yararlanmaq lazımdır.
Orta dəhlizin Transxəzər marşrutunun əsas zənciri olacaq Transqazaxıstan Dəmiryolu dəhlizinin inkişafını sürətləndirmək lazımdır. Bu istiqamətdə vacib layihələrin bir hissəsi artıq həyata keçirilməkdədir, lakin perspektivlər üçün işləri davam etdirmək lazımdır”,- deyə o bildirib.
Prezident Tokayev yerli hökumətə “Moyıntı- Kızıljar” yeni dəmiryolu xəttinin tikintisinə və Kızıljar stansiyasından Aktau dəniz limanına aparan magistralların ən yüklənmiş hissələrinin müasirləşdirilməsinə dair göstəriş verib.
“Bütün növ nəqliyyat vasitələrinin inteqrasiyasını təmin edən multimodal nəqliyyat qovşaqlarının inkişafına diqqət yetirilməlidir. Cari və növbəti illər bu istiqamətdə irəliləyiş illəri olmalıdır," - Qazaxıstanlı dövlət başçısı əlavə edib.