Bakı. Trend:
Fevralın 6-da “Bakı Hərrac Mərkəzi”ndə Əmanətlərin Sığortalanması Fondunun ləğvetməsində olan "Atabank" və "Zamin Bank" ASC-nin balansındakı daşınmaz əmlak açıq hərraca çıxarılacaq.
Trend bu barədə Əmanətlərin Sığortalanması Fonduna istinadən məlumat verir.
Məlumata görə, "Atabank"a məxsus Şirvan şəhəri, Heydər Əliyev prospektində icarədə olan 0.55 ha torpaq sahəsində yerləşən, dəyəri 430 min manat olan 275.7 kv.m əsas, 39 kv.m köməkçi sahədən ibarət 2 mərtəbəli qeyri-yaşayış binası və "Zamin Bank"a məxsus Bakı şəhəri, Nəsimi rayonu, Rəşid Məmmədov küçəsi, ev 11 ünvanındakı dəyəri 53 min manat olan 41,4 kv.metrlik mənzil hərraca çıxarılacaq.