Bakı. Trend:
Hər ilin əvvəlində investisiya istiqamətləri müəyyən edilir. Məsələn, bu il Aqrar Sığorta Fondunun investisiya istiqamətləri 22-23 milyon manat civarındadır.
Trend xəbər verir ki, bunu Aqrar Sığorta Fondunun İdarə Heyətinin sədri Fuad Sadıqov bu gün "Azərbaycanda aqrar sığorta: İnkişaf və perspektivlər" mövzusunda keçirilən tədbirdə deyib.
O bildirib ki, həmin vəsaitlər dövlət qiymətli kağızlarına, eyni zamanda beynəlxalq reytinq agentlikləri tərəfindən B- reytinqindən yuxarı olan banklara verilir:
"Ölkədə cəmi 5 belə bank var. Biz investisiyanı hansısa dayanıqlı olmayan banka yatıra bilmərik. Yalnız dövlət bankı, dövlət qiymətli kağızları və beynəlxalq agentliklərin B- reytinqindən yüksək olan banklara yatırırıq".