Bakı. Trend:
Bakıda Azərbaycan və Qazaxıstan arasında bir sıra sənədlər imzalanıb.
Trend xəbər verir ki, bu, Azərbaycan Respublikasının Baş naziri Əli Əsədovla Bakıda rəsmi səfərdə olan Qazaxıstan Respublikasının Baş naziri Oljas Bektenovun görüşü zamanı baş tutub.
Belə ki, iki ölkə arasında icbari tibbi sığorta sahəsində əməkdaşlığa, elmi nəşrlərin siyahısının formalaşdırılmasına, Xəzər dənizinin dibi ilə fiber-optik rabitə xətlərinin çəkilməsi haqqında Sazişin təsdiqinə dair sənədlər imzalanıb.
