Bakı. Trend:
Bu ilin yanvar-fevral aylarında Azərbaycanla Meksika arasında ticarət əməliyyatlarının həcmi 186,4 milyon ABŞ dolları təşkil edib.
Bu barədə Trend Dövlət Gömrük Komitəsindən məlumat əldə edib.
Məlumata görə, bu, 2024-cü ilin eyni aylarındakı göstərici ilə müqayisədə 168,8 milyon ABŞ dolları və ya 10,6 dəfə çoxdur.
Hesabat dövründə Meksika ilə ticarət dövriyyəsi Azərbaycanın ümumi ticarət dövriyyəsinin 2,09%-i həcmində olub.
Cari ilin yanvar-fevral aylarında Azərbaycandan Meksikaya ixrac əməliyyatları qeydə alınmayıb.
Lakin hesabat dövründə Meksikadan Azərbaycana 186,4 milyon ABŞ dolları dəyərində idxal əməliyyatları icra olunub ki, bu da 2024-cü ilin eyni dövrü ilə müqayisədə 175,3 milyon ABŞ dolları və ya 16,8 dəfə artım deməkdir.
Qeyd edək ki, cari ilin yanvar-fevral aylarında Azərbaycanın xarici ticarət dövriyyəsinin həcmi 8,9 milyard ABŞ dolları olub.
Məlumata görə, bu göstərici ötən ilin eyni dövrü ilə müqayisədə 1,7 milyard ABŞ dolları və ya 23,2% çoxdur.
Hesabat dövründə ticarət dövriyyəsinin 4,8 milyard dolları ixracın, 4,1 milyard dolları idxalın payın düşüb ki, bunlar da, illik müqayisədə müvafiq olaraq 13 milyon dollar və ya 0,3% az və 1,7 milyard dollar və ya 69,2% çoxdur.
Hesabat dövründə xarici ticarətdə 628 milyon dollarlıq müsbət saldo yaranıb ki, bu da, illik müqayisədə 1,7 milyard dollar və ya 3,7 dəfə azdır.