Bakı. Trend:
Bu ilin yanvar-mart aylarında Naxçıvan Muxtar Respublikasının xarici ticarət dövriyyəsi 27,5 milyon ABŞ dolları təşkil edib.
Bu barədə Trend muxtar respublikanın Dövlət Statistika Komitəsinə istinadən xəbər verir.
Məlumata görə, bu göstərici 2024-cü ilin eyni ayları ilə müqayisədə 10,2% çoxdur.
Hesabat dövründə muxtar respublikadan 2,6 milyon ABŞ dolları dəyərində məhsul ixracı qeydə alınıb ki, bu da ötən ilin eyni aylarındakı göstərici ilə müqayisədə 1,5% çoxdur.
Eyni zamanda, cari ilin ilk üç ayında muxtar respublikaya 24,8 milyon ABŞ dolları dəyərində məhsul idxal olunub. Bu isə illik müqayisədə 11,2% artım deməkdir.