Bakı. Trend:
Mayın 1-nə olan məlumata görə, Azərbaycan Mərkəzi Bankının (AMB) valyuta ehtiyatları 11,062 milyard ABŞ dolları təşkil edib.
Trend AMB-yə istinadən xəbər verir ki, bu, aprelin 1-i ilə müqayisədə 36 milyon ABŞ dolları və ya 0,3% çoxdur.
AMB-nin valyuta ehtiyatları ilin əvvəlinə nisbətən 103 milyon ABŞ dolları və ya 0,9% artıb, son 1 ildə isə 598,3 milyon ABŞ dolları və ya 5,1% azalıb.
Mayın 1-nə Azərbaycanda pul bazası 20,719 milyard manat təşkil edib.
Bu, aprelin 1-i ilə müqayisədə 778,8 milyon manat və ya 3,6% azdır.
Azərbaycanda pul bazası ilin əvvəlinə nisbətən 197,2 milyon manat və ya 0,9% azalıb, son 1 ildə isə 723,4 milyon manat və ya 3,6% artıb.