Bakı. Trend:
Bu ilin yanvar-aprel aylarında əsas kapitala 5,069 milyard manat məbləğində, yaxud əvvəlki ilin müvafiq dövrü ilə müqayisədə 4,6% az investisiya yönəldilib.
Trendbu barədə Dövlət Statistika Komitəsindən məlumat əldə edib.
Məlumata görə, neft-qaz sektoruna yönəldilmiş investisiyaların həcmi 22,7% azalıb, qeyri neft-qaz sektoruna yönəldilmiş investisiyaların həcmi isə 5,3% artıb. İstifadə olunmuş investisiyanın 2,579 milyard manatı və ya 50,9%-i məhsul istehsalı sahələrinə, 1,628 milyard manatı (32,1%-i) xidmət sahələrinə, 862,9 milyon manatı (17%-i) isə yaşayış evlərinin tikintisinə sərf olunub.
Əsas kapitala yönəldilmiş investisiyaların 3,772 milyard manatını və ya 74,4%-ini daxili investisiyalar təşkil edib. Əsas kapitala yönəldilmiş investisiyaların 3,969 milyard manatı və ya 78,3%-i bilavasitə tikinti-quraşdırma işlərinin yerinə yetirilməsinə sərf olunub.