Əlcəzair. Trend:
İslam İnkişaf Bankının Əlcəzairdə keçirilən üçüncü iclası öz tarixində ən böyük iclas olub.
Trend-in xüsusi müxbiri xəbər verir ki, bunu Əlcəzairin maliyyə naziri Əbdülkərim Buzred İslam İnkişaf Bankının (İİB) Əlcəzairdə keçirilən İllik Toplantılarının yekunlarına dair mətbuat konfransı zamanı deyib.
O qeyd edib ki, İslam İnkişaf Bankının (İİB) Əlcəzairdə keçirilən illik toplantıları çərçivəsində yüksək fəallıq və çoxlu sayda iştirakçı var.
"Fəal proqram və iştirakçıların sayı, həqiqətən, təsiredicidir", - nazir deyib.
O xatırladıb ki, Əlcəzair artıq üçüncü dəfədir ki, İİB-in illik toplantılarına ev sahibliyi edir.
"Birinci görüş 1990-cı ildə, ikinci görüş 2001-ci ildə baş tutub", - nazir bildirib.
O vurğulayıb ki, budəfəki görüş öz miqyasına və əhəmiyyətinə görə bütün əvvəlki görüşləri üstələyir:
“Əminliklə demək olar ki, 2025-ci il tədbiri Əlcəzairdə keçirilən bütün əvvəlki görüşləri üstələyəcək”.