Bakı. Trend:
Yerli investisiya bazarının inkişafı üçün həm emitentlərin şəffaflığı, hesabatlılığı, həm də investorların məlumatlı qərarlar verə bilməsi əsas şərtlərdəndir.
Trend xəbər verir ki, bu sözləri Mərkəzi Bankın Kapital Bazarı Siyasəti və Tənzimlənməsi Departamentinin direktoru Umeyra İbrahimova bu gün Bakıda keçirilən Maliyyə İnvestisiya Forumunda çıxışı zamanı deyib.
O, təəssüflə bildirib ki, bu infrastruktur tam formalaşmayıb və nəticə etibarilə qərarvermə prosesi zəifləyir: "Sizin xəzinədarlıq təcrübənizlə bu boşluqları daha yaxşı görmək və daha düzgün qiymətləndirmələr aparmaq mümkündür. Yerli bazarda manatla olan alətlərə yatırım etmək istəyən investorların riski düzgün qiymətləndirə bilməsi üçün daha çox məlumat, daha çox analiz, daha çox şəffaflıq lazımdır".