Bakı. Trend:
MDB-yə üzv dövlətlərin hökumət başçıları tərəfindən bir sıra sənədlər imzalanıb.
Trend xəbər verir ki, imzalanma iyunun 5-də Tacikistan Respublikasının paytaxtı Düşənbə şəhərində keçirilən Müstəqil Dövlətlər Birliyinin Hökumət Başçıları Şurasının iclası çərçivəsində baş tutub.
Düşənbədə MDB hökumət başçıları Şurasının iclasının nəticələrinə əsasən, aşağıdakı sənədlər imzalanıb:
- Ağır maşınqayırma və yüngül sənaye sahələrinin inkişafı üzrə dövlətlərarası əməkdaşlıq,
- Hava hərəkətinin idarə olunması üzrə milli sistemlərin harmonizasiyası,
- Əhalinin sağlamlığının qorunması sahəsində əməkdaşlıq,
- MDB Könüllülər Forumu ilə bağlı qərarın qəbulu,
- MDB-yə üzv ölkələrin müdafiə nazirlikləri tərəfindən birgə radiasiya, kimyəvi və bioloji vəziyyətin monitorinqi və qiymətləndirilməsi sisteminin inkişafı,
- “MDB-də turizmin inkişafına görə” döş nişanının təsis edilməsi,
- “Uran hasilatı ilə məşğul olmuş istehsalatların təsirinə məruz qalmış ərazilərin rekultivasiyası” üzrə dövlətlərarası hədəf proqramı.