Bakı. Trend:
Cari ilin yanvar – iyun aylarında İqtisadiyyat Nazirliyi yanında Dövlət Vergi Xidmətinin xəttilə dövlət büdcəsinə 8,704 milyard manata yaxın vergi daxil olub, proqnoza 105,7% əməl edilib.
Trend bu barədə Dövlət Vergi Xidmətinən məlumat əldə edib.
Məlumata görə, ötən ilin müvafiq dövrü ilə müqayisədə vergi daxilolmaları 421,6 milyon manat və ya 5,1% çox olub.
Qeyri-neft-qaz sektorundan daxilolmalar 6,422 milyard manat təşkil edib, proqnoz 103,6% icra olunub. Əvvəlki ilin eyni dövrünə nisbətən bu sektordan vergi daxilolmaları 546,8 milyon manat və ya 9,3% artıb.
Ödənilən vergilərin 73,8%-i qeyri-neft-qaz sektorunun, 26,2%-i isə neft-qaz sektorunun payına düşüb.