Bakı. Trend:
Wood Türkiyənin ən böyük polipropilen zavodunun və Ceyhan Layihəsində əlaqəli terminalın tikintisi üçün layihənin idarə edilməsi xidmətlərini (PMC) təmin edir.
Trend Wood-a istinadən xəbər verir ki, şirkət polipropilen zavodunun mühəndislik, satınalma və tikinti (EPC) mərhələsinə, həmçinin terminal üçün mühəndislik və satınalma işlərinə dəstək olmaq üçün layihənin idarə edilməsi üzrə 70-dən çox mütəxəssisi yerləşdirəcək. Müqavilələrin ümumi dəyəri üç il ərzində 18 milyon dollardır.
Türkiyənin Adana vilayətinin Ceyhan Sənaye Bölgəsində yerləşən zavod davamlı olaraq ildə 472,5 min ton polipropilen istehsal edəcək və Türkiyənin məhsul üzrə illik istehsal gücünü üç dəfə artıracaq. Obyekt 100% bərpa olunan elektrik enerjisini və öz hidrogenini yanacaq kimi istifadə edərək, karbon emissiyalarını əhəmiyyətli dərəcədə azaldacaq.
Tikinti işləri tamamlandıqdn sonra zavod Türkiyənin polipropilen tələbatının 17%-ni ödəyə biləcək, neft-kimya istehsalında özünü təmin edəcək. Terminal strateji cəhətdən əsas limanların və neft-kimya məhsullarına yüksək tələbat olan ərazilərin yaxınlığında yerləşən propan saxlayıb paylayacaq.