Bakı. Trend:
Cari ilin yanvar-oktyabr aylarında Bakı-Tbilisi-Ərzurum Cənubi Qafqaz boru kəməri ilə 19,136 milyard kubmetr qaz ötürülüb.
Trend bu barədə Dövlət Statistika Komitəsindən məlumat əldə edib.
Məlumata görə, Bakı-Tbilisi-Ərzurum Cənubi Qafqaz boru kəməri ilə qaz nəqli ötən ilin eyni dövrü ilə müqayisədə 304,9 milyon kubmetr və ya 1,6% artıb.
Ümumilikdə, hesabat dövründə magistral qaz kəmərləri ilə 33,011 milyard kub-metr qaz nəql edilib və 2024-cü ilin yanvar-oktyabr aylarına nisbətən 0,5 faiz artım müşahidə olunub. Qazın nəqlinin 58,0 faizi BakıTbilisi-Ərzurum Cənubi Qafqaz boru kəməri vasitəsilə həyata keçirilib.