Bakı. Trend:
Bu ilin yanvar-sentyabr aylarında "Bakı Metropoliteni" QSC sərnişin daşınmasından 78,871 milyon manat gəlir əldə edib.
Trend bu barədə Dövlət Statistika Komitəsinin məlumatları əsasında hesablamalar aparıb.
Məlumata görə, bu, ötən ilin eyni dövrü ilə müqayisədə 12,8% çoxdur.
Hesabat dövründə Bakı metrosu ilə 162,575 milyon sərnişin daşınıb. Bu isə illik müqayisədə 2,4% azdır.
Qeyd edək ki, Azərbaycanda nəqliyyat sektorunda fəaliyyət göstərən müəssisələr və fiziki şəxslər tərəfindən 2025-ci ilin yanvar-sentyabr aylarında 177,7 milyon ton yük və 1,565 milyard sərnişin daşınıb.
2024-cü ilin müvafiq dövrü ilə müqayisədə yük daşınması 2,5 faiz, sərnişin daşınması isə 5,4 faiz artıb. Yüklərin 61,3 faizi avtomobil, 27,6 faizi boru kəməri, 7 faizi dəmir yolu, 3,9 faizi dəniz, 0,2 faizi isə hava nəqliyyatı ilə daşınıb. Sərnişinlərin 89 faizi avtomobil, 10,4 faizi metro, qalan hissəsi isə digər nəqliyyat növləri ilə daşınıb.