Bakı. Trend:
Bu ilin yanvar-noyabr aylarında Kəlbəcərdə yerləşən "İstisu" mineral su zavodundan 1,7 milyon ABŞ dolları dəyərində ixrac həyata keçirilib.
Trend xəbər verir ki, bu barədə İqtisadi İslahatların Təhlili və Kommunikasiya Mərkəzinin "İxrac icmalı"nın dekabr sayında bildirilib.
Qeyd edək ki, 1976-cı ildə Kəlbəcər rayonunda “İstisu” mineral suyunun istehsalına başlanılıb. 1993-2020-ci illərdəki işğal dövründə zavodun fəaliyyəti dayandırılıb.
26 iyun 2022-ci il tarixində Prezident İlham Əliyev “İstisu” mineral su zavodunun təməlini qoyub.
2024-cü ildən “İstisu” mineral suyunun yenidən istehsalına başlanılıb.