Azərbaycan, Bakı / Trend , müxbir S.Babayeva/ Azərbaycan Kənd Təsərrüfatı Nazirliyi Dövlət Baytarlıq Xidmətinin mütəxəsissləri Fransada keçiriləcək bruselyozun yeni müayinə metodu üzrə ixtisaslaşdırılmış treninqlərdə iştirak edəcəklər.
Azərbaycan və Fransanın baytarlıq xidməti sahəsində əməkdaşlıq çərçivəsində keçiriləcək treninqlərdə, Respublika baytarlıq labaratoriyasının virusologiya şöbəsinin rəhbəri Cavid Abdullayev və serologiya şöbəsinin aparıcı baytar həkimi Sveta Abdullayeva iştirak edəcəklər. Bu barədə cümə günü Dövlət Baytarlıq Xidmətinin mətbuat katibi Yolçu Xanvəli məlumat verib.
Fransanın Kənd Təsərrüfatının İnkişafı və Balıqçılıq Nazirliyi tərəfindən təşkil olunan.
treninqlər sentyabrın 22-dən oktyabrın 6-a qədər Alanson şəhərində keçiriləcək. Mütəxəssislər bruselyozun yeni seroloji müayinə metodları və onun molekulyar səviyyəsinin öyrənilməsi ilə tanış olacaqlar.
Bruselyoz yoluxucu-allergik xəstəlikdir, bu xəstəlik qızdırma, retikulogendotelial, dammr, əsəb sisteminin zədələnməsi və s. ilə müşayiət olunur.
İnsan üçün yoluxmanın əsas mənbəyi xırda və iribuynuzlu heyvanlar, həmçinin, donuzlardır.
