Azərbaycan, Gəncə / Trend , müxbir V.Məmmədov/ 7 saylı bölgə üzrə Dövlət Əmək Müfəttişliyi Gəncə şəhərində ticarət və iaşə obyektlərində növbəti reydlərini keçirir. Müfəttişliyin rəisi Əkbər Nəsirli çərşənbə axşamı məlumat verib. Onun sözlərinə görə, reydlərin keçirilməsində məqsəd obyektlərdə işləyənlərlə əmək müqavilələrinin bağlanıb- bağlanılmadığını yoxlamaqdır.
"Sentyabr ayı ərzində aparılan yoxlamalar nəticəsində, 200 nəfərə yaxın şəxslə əmək müqaviləsi bağlanılmağa nail olunub. Təxminən 2000-ə yaxın işçi ilə miüqavilə sənədləri hazırlanır"- Nəsirli deyib.
Nəsirli bildirib ki, bağlanılan müqavilələr, əsasən, minimum əmək haqqı ilə götürülür. Növbəti reydlər əsasən əmək haqlarının müqavilələrdə düzgün göstərilməsinin yoxlanılması istiqamətində olacaq.
Gəncə paytaxt Bakıdan 365 kilometr qərbdə yerləşir.