Azərbaycan, Bakı / Trend , müxbir S.Əliyev/ Bu gün Bakıda MDB ölkələri Beynəlxalq Metro Assosiasiyasının növbəti iclası başlandı, bu haqda çərşənbə günü, Bakı metropolitenində deyiblər. Görüşdə MDB ölkələri metropolitenləri arasında qarşılıqlı əməkdaşlıq məsələlərinin müzakirə olunması gözlənilir.
Assosiasiyanın fəaliyyəti, Rusiya və MDB dövəltlərinin metropolitenləri arasında əlaqələrin və təcrübə mübadiləsinin möhkəmlənməsinə, normativ-texniki sənədlərin hazırlanmasına, nəhayət, metropolitenin fəaliyyətilə əlaqədar qanunverici təşəbbüslərin müzakirəsinə yönəldilib.
Beynəlxalq Metro Assosiasiyası 1992-ci ilin fevralında yaranıb. Bu Assosiasiya Beynəlxalq İctimai Nəqliyyat İttifaqının (BİNİ) həqiqi üzvüdür və bir üzv kimi, Metropoliten Komitəsinin bütün beynəlxalq iclaslarında və BİNİ-nin keçirdiyi digər beynəlxalq tədbirlərdə təmsil olunmaq hüququ qazanıb.
Hazırda, Rusiya və MDB ölkələrinin metropolitenləri (Moskva, Sankt-Peterburq, Samara, Yekaterinburq, Novosibirsk, Nijni - Novqorod, Tbilisi, Daşkənd, Bakı, Yerevan, Kiyev, Xarkov, Dnepropetrovsk, Minsk), həmçinin, "Metrovaqonmaş" QSC, "Dinamo- Plyus" QSC, "Vaqonmaş" QSC, "Kryukov vaqonqayırma zavodu" ASC (Ukrayna) Asossiasiyanın üzvləridir.
