Azərbaycan, Bakı/ Trend müxbir S.Babayeva/ Dövlət Statistika Komitəsinin məlumatına əsasən, 2007-ci il dekabrın 1-i üçün Azərbaycanda üzüm istehsalının həcmi 102.1 min ton təşkil edib. Bu, 2006-cı il göstəricisindən 9.7 min ton çoxdur. Üzüm istehsalı Naxçıvan Muxtar Respublikasında 13.7 min ton, Şəmkir rayonunda 20.5, Xaçmazda 4.6, Ağstafada 4.5, Salyanda 4.4, Kürdəmirdə 4.2, Şamaxıda 3.4 və Şəkidə 3.3 min ton olub. Sənaye emalına verilən üzümün miqdarı Göyçay rayonunda 5.4 min ton, Kürdəmirdə 1.9 min ton, Xaçmazda 1.5 min ton, Xanlarda 985 ton, Şəmkirdə 400 ton olub. Kənd Təsərrüfatı Naziriliyindən verilən xəbərə görə, 2008-ci ilə qədər Azərbaycanda əlavə olaraq 6 min hektar üzüm sahələri yaradılacaq. Azərbaycanda üzümün əkin sahələrinin ümumi sahəsi 9 min hektardır. Azərbaycanın müxtəlif regionlarında yeni plantasiyaların salınmasını nəzərdə tutan 2004-2008-ci illərdə Regionların Sosial-İqtisadi İnkişafı Dövlət Proqramına uyğun olaraq hər il 100-150 hektar yeni üzüm sahələri salınır. Xanlar, Cəlilabad, Şamaxı rayonlarında isə Fransadan gətirilən növlər əkilir.
...
