Azərbaycan, Bakı, 05 fevral/ Trend müxbir İ.Xəlilova/ Azərbaycanın Əmanətlərin Sığortalanması Fondu qorunan əmanətlərin məbləğini 1 mlrd. 134 mln. 931 min manata çatdırıb. Bu barədə çərşənbə axşamı Fonddan məlumat veriblər. Bu, IV rübdə təqvim haqqlarının yığılmasının başa çatdırılması və Fondun üzvlərinin 37 bankadək genişləndirilməsi ilə əlaqədardır.
Fiziki şəxslərin Fondun üzvü olan banklardakı əmanətlərinin ümumi həcmi dördüncü rübdə, üçüncü ilə müqayisədə 10 faiz, qorunmayan əmanətlər - 21 faiz, qorunan əmanətlər isə - 9 faiz artıb. Beləliklə,qorunmayan əmanətlər 158, 442 mln. manatdan 192,418 mln. manatadək, Fond vasitəsilə sığortalanan əmanətlər 1 045,048 mln. manatdan 1 134,931 mln. manatadək artıb. Fiziki şəxslərin Fonda üzv banklardakı əmanətləri portfeli 1 203,49 mln. manat təşkil edirdi və dördüncü rübdə 1 327,349 mln. manatadək artıb.
İlin yekunlarına görə, Fonda təqvim haqları kimi 665 800 manat, $1 062 367 və 112 454 avro ödənilib ki, bu da əvvəlki rübdə toplanılan məbləği milli valyutada 9 faiz, dollarda 4,5 faiz, avroda isə 47,6 faiz ötür. Banklar tərəfindən sığorta Fondunun reyestrinə daxil olan zaman birdəfəlik ödənilən üzvlük haqqını (10 min manat) nəzərə almaqla,daxilolmaların ümumi həcmi 3 640,381 min manat təşkil edir.
Sığorta edilən əmanətçilərin sayı 1 015 033 nəfərdən 1 085 572 nəfərədək,7 faiz artıb.
Fond 2007-ci il avqustun 13-də fəaliyyətə başlayıb. 2008-ci ilin əvvəlindən o, maksimal sığorta edilən məbləği altı min manatadək artırıb. 2010-cu il yanvarın 1-dən isə,bu məbləğ səkkiz min manatadək artacaq. Əmanətlərin sığortalanması haqqında Qanuna görə, 2008 - ci il yanvarın 1-dək Fond tərəfindən dörd min manatadək əmanətlər tam sığortalanırdı.
Bununla yanaşı,faiz dərəcələri AMB-nin uçot dərəcəsini (hazırda 13 faiz) 1,8 faiz ötən əmanətlər sığorta edilmir. Yəni, sığorta edilən əmanətə görə, dərəcə 23,4 faiz təşkil edə bilər. Banklar belə əmanəti qəbul edən zaman müştərini Sığorta Fondundan qorumanın olmaması haqqında xəbərdar etməlidirlər.