Azərbaycan, Bakı, 09 aprel / Trend , U.İsmayılova/ Azərbaycanın "Mugan Bank"ı sindikatlaşdırılmış kredit cəlb etmək üçün beynəlxalq institutlarla danışıqlara başlayıb. Bu barədə çərşənbə günü bankın İdarə Heyətinin sədri Şaiq Ələkbərov məlumat verib.
"Bank təxminən 10-15 mln. dollar həcmində kredit almaq niyyətindədir" - deyə Ələkbərov bildirib.
"Mugan Bank" kiçik və orta sahibkarlığın inkişafı üçün Avropa Yenidənqurma və İnkişaf Bankından artıq 6 mln. dollar həcmində kredit alıb. Kreditin 2010-cu ilə qədər ödənilməsi planlaşdırılır.
"Mugan Bank" xarici fond birjasında qiymətli kağızlarını yerləşdirən ilk Azərbaycan bankıdır. Ötən il bank 5 mln. dollar həcmində istiqraz vərəqəsi yerləşdirib. Bankın anderrayteri Latviya "Parex Bank"ıdır. İstiqrazlar Latviya, Litva, Estoniya, İsveçrədən olan 20 sərmayəçi tərəfindən itstifadə olunur.
Müəlliflə əlaqə saxlamaq üçün elektron ünvan : [email protected]