Azərbaycan, Bakı, 16 may/ Trend müxbir Ü.İsmayılova, V.Məmmədov/ Azərbaycanın Əmək və Əhalinin Sosial Müdafiəsi Nazirliyi nəzdində Əmək Müffətişliyi Gəncə və ölkənin qərb rayonlarında 10 regional tikinti şirkətinin obyektlərində yoxlamaları başa çatdırıb. Bu barədə Trend -ın regional müxbirinə cümə günü Müfəttişliyin regional idarəsinin rəhbəri Əkbər Nəsirli məlumat verib.
"Yoxlamalar nəticəsində işçilərin hüquqlarının pozulmasına dair 50 mənfi hal aşkar edilib", - Nəsirli bildirib.
Əmək müfəttişliyinin məlumatlarına əsasən, yanvar-martda Gəncədə tikinti sektorunda üç bədbəxt hadisə baş verib, bir nəfər həlak olub. İki hadisə üzrə məhkəmə təhqiqatı aparılır. 2007-ci ildə Gəncənin tikinti sektorunda 11 bədbəxt hadisə baş verib.
İşçilərin əmək şəraitinin yoxlanılması, texniki təhlüəsizlik və əmək müqavilələrinin düzgün bağlanılması qaydalarının tətbiqi ilə məşğul olan Azərbaycanın Əmək və Əhalinin Sosial Müdafiəsi Nazirliyi nəzdində Əmək Müfəttişli 2007-ci ilin avqustunda Bakının mərkəzi küçələrindən birində tikilməkdə olan 16 mərtəbəli binanın uçmasından sonra öz fəaliyyətini canlandırıb. Bu hadisə nəticəsində 25 nəfər həlak olub.
Müəlliflə əlaqə saxlamaq üçün elektron ünvan: [email protected]
