Azərbaycan, Bakı, 27 avqust / Trend , müxbir E.İsmayılov/ Azərbaycan dəmir yolunun Qızılburun-Gilgilçay sahəsində (şimal istiqaməti) qatarların hərəkəti cümə axşamı Bakı vaxtı ilə saat 16:00-da tam normallaşdırılacaq, Azərbaycan Dövlət Dəmir Yolu İdarəsindən çərşənbə günü bildiriblər.
Bakı-Quba-Rusiya sərhədi avtomobil yolunun tikintisi çərçivəsində 2546-cı kilometrdə dəmir yolu xəti üzərindən yeni 33 metrlik keçidin tikintisi ilə əlaqədar çərşənbə günü saat 07:00-da qatarların hərəkəti dayandırılıb.
Bir istiqamətdə hərəkət çərşənbə günü saat 16:00-da bərpa ediləcək. Sabah saat 10:00-dan 16:00-dək yolun bu sahəsində hərəkətin dayanacağı gözlənilir. Bundan sonra bu istiqamətdə hərəkət normallaşdırılacaq.
Bakı-Quba-Rusiya sərhədi beton yol sahəsinin tikintisi layihəsi AYİB-in maliyyə dəstəyi ilə həyata keçirilir. Avtomagistralın ümumi uzunluğu 208 km təşkil edir, lakin yenidənqurmadan sonra onun uzunluğu 198 kilometrədək azaldılacaq. Beton yolun tikintisi avtomagistralın 16-134-cü kilometrlərində həyata keçirilir.
Bu layihənin ilkin dəyəri $400 mln. olub. Lakin beton yolun tikintisi haqqında qərarın qəbul edilməsi layihənin $800 mln.-dək bahalaşmasına səbəb olub.
Yolun tikilən sahəsi boyunca 21 körpü, 10 yol qovşağının tikintisi nəzərdə tutulur. Bu istiqamətdə böyük həcmdə yük daşımaları ilə əlaqədar beton örtüyün qalınlığı 28 sm təşkil edir.
Müəlliflə əlaqə saxlamaq üçün elektron ünvan: [email protected]