Azərbaycan, Bakı, 02 sentyabr/ Trend Cap müxbir İ.Xəlilova/ "Azerbaijan Electronikasi şirkəti (AZEL) Beynəlxalq Maliyyə Korporasiyasının $2,7 mln. həcmində kredit xəttinin mənimsənilməsini başa çatdırıb", - şirkətin Müşahidə Şurasının sədri İqor Yakovenko çərşənbə axşamı bildirib. Layihənin ümumi dəyəri $6 mln.-a bərabərdir və altı ilə nəzərdə tutulub.
Layihənin üç məqsədli təyinatı var: təntənəli açılışı iyunun 27-ə təsadüf edən Bakıda Servis Mərkəzinin yeni ofisinin yaradılması, iki yeni mağazanın açılması (artıq Toshiba mağazası və AZEL-in şəbəkəsində ən iri mağaza açılıb).
"BMK bu layihənin realizəsini yüksək qiymətləndirib və onu 2008 - ci i il ərzində ən yaxşı layihələrdən hesab edir", - Yakovenko bildirib.
AZEL səhmdarlarının layihə çərçivəsində yatırdığı $3,3 mln. məbləğdə vəsait şirkətin səhmdar kapitalına yatırılıb və nəticədə, kapital 10 min manatdan 3 mln. manatadək artıb.
AZEL Beynəlxalq Maliyyə Korporasiyasının Azərbaycanda Korporativ İdarəetmə Layihəsində də (ACGP) iştrak edib. Layihə çərçivəsində, korporativ idarəetmə praktikasında, şəffaf və tam maliyyə hesabatlılığının hazırlanmasında məsləhət və yardım göstərilib. Beynəlxalq auditor şirkətləri ilə əməkdaşlıq sayəsində AZEL artıq beynəlxalq maliyyə hesabatlılığı standartları (İFRS) və auditinin tətbiqinə başlayıb. AZEL etik məcəllə də tətbiq edir ki, bu da ən yaxşı korporativ idarəetmə praktikasına doğru atılan addımdır.
AZEL Azərbaycanda sistem inteqrasiyası və İT-həllər sahəsində aparıcı şirkətlərdən biridir.
Sentyabrın 2- nə olan cari mübadilə məzənnəsi -- 0,8144 AZN/USD.
Müəlliflə əlaqə saxlamaq üçün elektron ünvan [email protected]