Azərbaycan, Bakı, 22 sentyabr/ Trend , müxbir V.Məmmədov/ "Gəncə - Ucar - Gəncə marşrutu ilə texniki problemlərlə əlaqədar, üç gün əvvəl dayandırılan elektrik qatarlarının hərəkəti bazar ertəsi axşam bərpa ediləcək", - Gəncə şəhər dəmir yolu vağzalının rəisi Maarif Əhmədov bazar ertəsi bildirib.
"Elektrik qatarının hərəkəti qatarların təmiri və relslərdə kiçik gərginliklə əlaqədar dayandırılıb", - Əhmədov bildirib.
Elektrik qatarı bu istiqamətdə hərəkəti gündə iki dəfə həyata keçirir - səhər və axşam. Yüzlərlə sərnişin üçün hərəkət vasitəsi olan qatar öz yolunda 15 stansiyadan keçir.
Müəlliflə əlaqə saxlamaq üçün elektron ünvan: [email protected]
