Azərbaycan, Bakı, 03 oktyabr/ Trend , müxbir E.İsmayılov/ Azərbaycan paytaxtında Bakı Metropoliteninin yeni "Nəsimi" stansiyasının açılışı gələn həftə keçiriləcək. Bu barədə cümə günü Metropolitendən bildiriblər.
Bakının altıncı və doqquzuncu mikrorayonları ərazisində yerləşən yeni stansiyanın açılışı əvvəllər sentyabrın 15-nə planlaşdırılmışdı.
Metro stansiyası istifadəyə tam hazırdır, hazırda Azərbaycan Nazirlər Kabineti və İqtisadi İnkişaf nazirliklərinə təqdim edilməsi üçün texniki göstəricilər üzrə sənədlər toplanır.
Bakı Metropoliteni "İçəri Şəhər" stansiyasından "Nəriman Nərimanov" stansiyasınadək üç aralıq stansiya ilə 1967-ci ildən fəaliyyət göstərir. Metropolitenin yeddi stansiyası ("İçəri Şəhər", "Sahil", "28 may", "Cəfər Cabbarlı", "Xətai", "Nizami", "Elmlər Akademiyası") dərin enişli, "Bakmil" - yerüstü, qalanları isə sütunlu, dayaz enişlidir (cəmi 20 stansiya).
Məqalə müəllifi ilə əlaqə ünvanı: [email protected]
