Azərbaycan, Bakı, 06 oktyabr/ Trend , müxbir N.İsmayılova/ 2008 - ci ilin üçüncü rübündə mənfi kredit tendensiyalarının Avropa, Yaxın Şərq və Afrikanın (EMEA) bir sıra əsas sektorları və regionlarında müəssisələrin fəaliyyətinə təsiri davam edib ki, bu da əksər ölkələrin iqtisadi artımın səngiməsi, bir müddət əvvəldən isə, likvidlik çatışmazlığı ilə bağlı yaşadıqları çətinlikləri dərinləşdirib, - Moody's Investors Service agentliyi dərc etdiyi "On The Quarter: Third Quarter 2008 - EMEA Industrials" hesabatında xəbər verir.
"Amerikanın bank böhranı və iqtisadi inkişafın templərinin qlobal səngiməsi EMEA - nın şirkətləri üçün problemlərin artmasına gətirir. Bu, xüsusilə də dövriliyə məruz qalan və bu böhrana artıq müqayisəli dərəcədə zəif likvidlik vəziyyəti ilə daxil olan şirkətləri əhatə edir. Digər tərəfdən, xammala xərclərinin artmasından irəli gələn təzyiq bir qədər zəifləyib; lakin daha əlverişli tendensiyanın davam edəcəyini güman etməyə heç bir dəlil yoxdur", - Moody's-in baş vitse- prezidenti və məruzənin müəllifi Con Mişel Karayon (Jean-Michel Carayon) bildirib.
Moody's ilkin olaraq gözləyirdi ki, inkişafda olan bazarlarda elastik tələbat inkişaf etmiş dünyada daha aşağı artımın effektlərini yumşaltacaq. Buna baxmayaraq, indi aydın olur ki, iqtisadi düşmə, əminliyin çatışmaması, kapitalın axması və daha vacib olan - pis likvidlik hətta inkişafda olan bazarlara getdikcə daha çox toxuna bilər. Rusiya və MDB - nin bəzi şirkətləri, çox güman ki, özlərinin qısamüddətli təkrarmaliyyələşdirmə tələbatlarına dair çətinliklərin artması ilə qarşılaşırlar. Lakin çoxları bu təzyiqi zəiflətmək üçün, onların genişlənmə proqramlarını azaltmaq vəziyyətində olacaqlar, məruzədə deyilir.
EMEA - nın şirkətləri arasında ödəməmələrin sayı məhduddur və cari ildə ikiyə bərabərdir. Bu, Moody's-in EMEA - da spekulyativ məzənnənin faktiki olaraq o qədər də sürətlə artmayacağına dair baxışını təsdiqləyir. İndi Moody's 2008 - ci ilin sonunda normanın 2,3 faiz təşkil edəcəyini qabaqcadan bildirir, lakin bu tendensiyanın tamamilə dəyişə biləcəyini və xüsusilə də likvidlik və maliyyələşdirmə şərtləri xeyli çətinləşərsə, sürətli templərin istisna edilməyəcəyi barədə xəbərdar edir.
Müəlliflə əlaqə saxlamaq üçün elektron ünvan: [email protected]